Ji ber aşûtê rêya di navbera Şirnexê û navçeya wê Elkê de hatiye girtin û saziyên dewletê tenê hewl didin bi bêran veke.
Li Şirnex û navçeyên wê 5 roj in bê navber berf dibare û herî kêm rêya 28 gundan û rêya di navbera navçeya Elkê û Şirnexê de ji ber aşûtê hatiye girtin.
Li herêma Komate serê sibê aşût bi ser rêya navbera Şirnexê û Elkê de hat. Piştî aşûtê rê hatiye girtin û tu xebata rê vekirinê ya Midûriyeta Rêyên Bejahiyê ya Şirnexê tune ye. Tîma girêdayî DEDAŞê ya ku li cihê aşûtê ye hewl dide bi bêran rê veke.
