Ji pêşengên PKKê Riza Altûn di salvegera koça xwe ya dawî de li mala xwe ya taxa Tuzlûçayirê ya navçeya Mamakê hat bibîranîn.
Ji pêşengên Partiya Karkerên Kurdistanê (PKK) Riza Altûn di salvegera koça xwe ya dawî de li mala xwe ya taxa Tuzlûçayirê ya navçeya Mamakê ya Enqereyê hat bibîranîn. Malbata Riza Altûn, parlamenterên Partiya Wekhevî û Demokrasiyê ya Gelan (DEM Partî), endam û nûnerên saziyên sivîl û partiyên siyasî yên giredayî Platforma Saziyên Demokratîk a Enqereyê, siyasetmedar û aktivîsta Tevgera Jinên Azad (TJA) Sebahat Tuncel û gelek kes tevî bibîranînê bûn.
Li hewşa malê ku bîranîn lê hat lidarxistin wêneyê Riza Altûn û qûrnefîl hatin danîn. Bîranîn ji bo cangoriyên azadî û demokrasiyê bi deqîqeyeke rêz girtinê destpêkir. Piştî rêzgirtinê sînevîzyona bi stranan wêneyên Riza Altûn nişan dide hat temaşekirin.
Piştî temaşekirina sînevîzyonê hevserokê DEM Partiyê yê Enqereyê Fatîn Kanat axivî û bi lêv kir ku mala ku ew bîranînê li dar dixînin xwedî serpehatiyeke têkoşîne ye û got ku Riza Altûn li gelek cihan têkoşîneke xurt da ye meşandin û ew bûye meşaleya azadiyê.
‘Divê têkoşîn li gor rihê wan be’
Piştre jî siyasetmedar û aktivîsta Tevgera Jinên Azad (TJA) Sebahat Tuncel axivî. Sebahat Tuncelê anî ziman ku ji ber tunehesibandina gelê Kurd şoreşgeran têkoşîna hebûnê da û wiha got: “Têkoşîna 50 salî jî têkoşîna hebûnê ye. Birêz Abdullah Ocalan jî di pêyama xwe de got Kurdan bi têkoşîna xwe û berdelan hebûna xwe misoger kir. Ew qonaxeke nû ye û destpêkeke nû jî nişanî me dide. Divê aşkerekirina şehadeta Riza Altûn, Alî Haydar Kaytan û hevalên hatine aşkerakirin rast were fehm kirin. Ew qonaxa nû û têkoşîna nû jî divê li gor rihê wan be. Ew berpirsyariya me hemûyan e. Jin jî di vê pêvajoya ku em ê têkoşîna demokratik bigihêjin azadiyê wê pêşengiyê bikin. Li vê malê nirx hatin avakirin. Zimanê van diwaran xwezî hebûna ku qal bikirina di pêvajoya tunehesibandinê de em çawa hatinê pêvajoya hebûnê. Em hemû wê rojeke ber bi koça dawî ve biçin lê ya girîng me çi mîratê li pişt xwe hiştiye. Ew mînakin ku şoreşger mîrateyeke çawa li dû xwe dihêlin. Berpirsyariya siyasetmedar, jin û ciwanan pir e. Berpirsyariya me pir e. Bersiva herî bi watedayîna şehîdan û xeyalên wan pêkanîne.”
Piştî axaftinan bîranîn bi belavkirina loqma bi dawî bû.
