Festîvala Sûr Fest a bi pêşengiya KASED û şaredariya Sûrê ya Amedê destpê kir bi konser Koma Sorjîyan bi dawî bû.
Festîvala Sûr Fest a ku bi pêşengiya Komeleya Çand Huner û Wêjeyê ya Jinan (KASED) û Şaredariya Sûrê ya Amedê destpê kir wê 3 rojan bidome. Roja yekem a festîvalê li gundê Kabê bi atolye, cihên lîstikê, jiriya çêkirî û dizayna çente û tişortan destpê kir. Hevşaredarê Sûrê Adnan Orhan û gelek zarok û welatî tevlî konsere bûn.
Beriya konserê Seroka Komeleya Çand Huner û Wêjeyê ya Jinan (KASED) Salîha Ayata axivî. Salîha Ayata anî ziman ku êdî ew ê li gundan gelek bernameyan çêbikin û wiha got: “Em gelek kêfxweşin ku me bi we re bernameyek bi rengî li dar xist. Armanca me ew e ku çand û hunerê bigihînin gelê xwe. Heya niha me li gelek bajaran bername çêkirin. Gelek caran em dihatin rexnekirin. Ji îro şûn ve em ê êdî li gundan bin. Me li gundê Kabê destpê kir û em gelekî kêfxweş in. Hêvî dikim ku bêhtir jin tevlî bernamayên me bibin.”
Cîgira Hevşaredarên Sûrê Emîne Akçag jî axivî û ev tişt anî ziman: “Bernama me yê sê roja berdewam bike. Ji îro şûn ve wê şaredariya Sûrê gelek bername, festîvalan li gundan li dar bixe.”
Piştî axaftinan Koma Sorjîyan derket li ser dikê û stranên xwe gotin. Zarok û welatiyan li ber stranan govend gerandin û roja yekem a festîvlê bi dawî bû.
