* Dengbêj Miraz ku ji navçeya Panos a Agiriyê ye, bal kişand ser giringiya dengbêjiyê û da zanîn ku dîroka Kurdan bi dengbêjiyê heta îro hatiye û got: “Bila bi devê stranbêjan kilaman nebêjin, bila bi devê dengbêjan bibêjin”
* Endamê PYDê Ehmed Xoce bilêv kir ku komên çektar ên girêdayî Tirkiyeyê di çerçoveya dagirkirina herêmê û ji holêrakirina destkeftiyên Bakur û Rojhilatê Suriyeyê de êriş pêk anîne û got: “Rêveberiya Xweser ji hemû êrişan re amade ye.”
* Akademiya Ma Musicê mohra xwe li bin xebatek din a muzîka Kurdî da û pirtûka “Repertuara Stranbêjiyê” çap kir. 50 stranên zarokan û 60 stranên gelêrî, koda QR û notayên stranan di pirtûkê de cih digirin. Şêrko Kanîwar diyar kir ku her kes dikare sûdê ji pirtûkê werbigire û got: “Ev şakara ber serê her Kurdekî ye.”
* Rêxistina DBP û DEM Partiyê dê bi tevlêbûna Hevserokên xwe li bajaroka Elîgor a Navçeya Pirsûsê ya Rihayê li dijî êrîşên li ser Bakur û Rojhilatê Sûriyeyê daxuyaniyek girseyî bidin çapemeniyê. (13.00)
* Tevgera Jinên Azad (TJA), dê li Mêrdînê li dijî êrîşên li ser Bakur û Rojhilatê Sûriyeyê daxuyaniyê bide çapemeniyê.
