*Leşkeran li Şirnexê ji bo 30ê tebaxê di nava kolanan de bi çekan geriyan û zarokên tevlî merasîma leşkerî kirin.
* Endamê Platforma Ked û Demokrasiyê ya Amedê Behçet Barût ji bo meşa ku dê di 1ê Îlonê de li Amedê bê lidarxistin banga tevlibûnê kir û got: “Ji bo aştiyeke mayînde pêk were em ê bimeşin. Lazim e em cîhaneke ku aştî lê hebe ava bikin.”
* Hevserokê Giştî yê SESê Mehmet Siddik Akin diyar kir ku weke KESK ew ê jî pêşniyarên xwe di komîsyonê de bînin ziman û wiha got: “Aştî pêdiviya herî bingehîn a civakê ye. Di warê demokrasiyê de em li ser dewletê zextê bikin. Ji bo wê jî çalakî hewce dikin.”
* Dayikên Şemiyê ji bo aqûbeta windayan bipirsin dê li Qada Galatasarayê çalakiya xwe ya şemiyê berdewam bikin. (12.00)
* Xizmên windayan û şaxên ÎHDê yên Amed û Êlihê ji bo winda bêne dîtin û kujer bêne darizandin, dê çalakiyên xwe yên ku her hefte pêk tînin berdewam bikin. (12.00)
* Komeleya Wêjekarên Kurd dê bi nivîskaran re li Fîskaya Amedê bernameyekê pêk bîne. (10.00)
Meclisa Zimên a Konseya Bajêr a Amedê dê civîna 1emîn li Navenda Çand Amedê (Sezaî karakoç) ya Amedê pêk bîne. (13.00)
