Şandeya Îmraliyê û Hevserokê DBPê Keskîn Bayindir ji bo hevdîtina bi Mesûd Barzanî, Nêçîrvan Barzanî û Bafil Talabanî re dê biçe serdana Herêma Kurdistanê.
Endamên Şandeya Îmraliyê ya Partiya Wekhevî û Demokrasiyê ya Gelan (DEM Partî) Pervîn Bûldan û Sirri Sureyya Onder û Hevserokê Giştî yê DBPê Keskîn Bayindir dê 16ê Sibatê serdana Herêma Kurdistanê bikin. Şandeya Îmraliyê û Keskîn Bayindir dê roja 16ê Sibatê li Hewlêrê bi Serokê PDKê Mesûd Barzanî û Serokê Herêma Kurdistanê Nêçîrvan Barzanî re hevdîtinê pêk bîn. Şandeya Îmraliyê û Keskîn Bayindir roja 17ê Sibatê jî li Silêmaniyê bi Serokê YNKê Bafil Talabanî, Kubat Talabanî û rayedarên YNKê re hevdîtinê pêk bîne.
Li gorî agahiya ku Buroya Çapemeniyê ya DEM Partiyê belav kiriye; Şande dê di hevdîtinan de hûrguliyên hevdîtina li Îmraliyê rayedarên Herêma Kurdistanê re parve bike. Her wiha şande dê nêrîn, pêşniyazî û fikrên rayedarên Herêma Kurdistanê tomar bike û bibe bi Rêberê PKKê Abdullah Ocalan re parve bike.
