MEBYA-DERê li Amedê şîna du gerîlayan kir. Mehmet Emîn Kiliç di merasîmê de axivî û got: “Feraseta Rêberê Gelê Kurd Abdullah Ocalan û Tevgera Azadîyê hovan dike mirov, maf nenasan dike mirov û ji xwe têkoşîn ev yek e.
Rêveberên MEBYA-DERê, rêveberên DEM Partiyê û DBPê yên bajêr û navçeyan, Dayikên
Aştiyê, aktîvîstên TJAyê, nûner û endamên rêxistinên sivîl, endamên Meclîsa Ciwanan ên
DEM Partiyê û DBPê, hevşaredarên DEM Partiyê yên Amedê û gelek kes beşdarî şînê bûn.
Girse li ber Mala Şînê ya taxa Bagcilarê ya li navçeya Rezanê bi
dirûşma “Şehîd Namirin” derbasî mala şînê bû û serdana şînê kir. Gel li mala şînê
deqîqeyek rêz girt û piştî rêzgirtinê dirûşmeya “Şehîd Namirin” berzkir. Beriya
axaftinê, sînevîzyona kû behsa jiyana her du gerilayan dikir hat temaşekirin. Piştî sinevîzyonê
ser navê MEBYA-DERê Mehmet Emîn Kiliç axivî.
‘Hemu cîhan xwaziya xwe bi Rêberê Gele Kurd û Tevgera Azadiyê tîne’
Mehmet Emîn Kiliç da zanîn ku her çi dibe bila divê gel li dijî provokasyonên li hember pêvajoya
“Aştî û Civaka Demokratîk” berpirsyariya xwe bizanibe û ev tişt gotin: “Em di pêvajoyeke pir
girîng û watedar de derbas dibin. Hinek kes bi nezanebûna xwe zirarê didin vê pêvajoyê.
Rexneyan dikin û dibên ku em ji we bawer nakin. Êdî piştî vê saetê pêve bila ev gotin neyên
gotin û baweriya vê gotinê jî nemine. Feraseta Rêberê Gelê Kurd Abdullah Ocalan û Tevgera
Azadîyê hovan dike mirov, maf nenasan dike mirov û ji xwe têkoşîn ev yek e. Her şehîdekî/e ku di
vê têkoşînê de canê xwe feda kirine mîrateyeke pir mezin li dû xwe hîştine. Ev mîrate
mîrateya şeref, namûs, edalet û wekhevîyê ye, divê em xwedî lê derbikevin. Hemû cîhan
xwaziya xwe bi Rêberê Gelê Kurd û Tevgera Azadiyê tîne.”
Navê her du gerîlayên PKKê ku di demên cuda de jiyana xwe ji dest dane wiha ne: Ferhat Taş
(Fîkret) di sala 1990an de, Tarik Yurur jî (Munzur) di sala 1994an de tevli refên PKKê bûne.
Ferhat Taş (Fîkret) di sala 1994an de li Semsûre, Tarik Yûrûr (Munzur) di sala 1996an de li
navçeya Tetwanê ya Bêdlisê jiyana xwe ji dest dane.
