Serokê Rûhanî yê Civaka Misilmanên Miwehidîn a Durziyan şêx Hîkmet El Hicrî diyar kir ku nêrîna wan a ji bo Siwêdayê li ser bingeha “serxwebûna tam”e û got mafê çarenûsê yê xelkê Siwêdayê mafekî bêveger e.
Serokê Rûhanî yê Civaka Misilmanên Miwehidîn a Durziyan şêx Hîkmet El Hicrî ligel kanala “Skya News Arebiye” li ser rewş û pêşdeçûnên dawîn ên li Siwêdayê axivî û got, “Mafê çarenûsa ya xelkê Siwêdayê mafekî bêvegere.”
El Hicrî anî ziman ku “Vîzyona me li ser bingeha serxwebûna tam a parêzgeha Siwêdayê ye.”
Der barê hejmara revandî û windayên ji xelkê herêmê de, El Hicrî diyar kir ku “Hejmara wan 600 kese, di nav de jî jin hene û hikumeta li Şamê her dan û standinên der barê wan de asteng dike.” El Hicrî destnîşan kir ku “Hikûmeta li Şamê hîna pabendî valakirina gundên wêrankirî nebûye û bi berevajîkirina rastiyan ve girêdayî ye.”
El Hicrî di diyaloga xwe de bang li civaka navnetewî kir ku qîrkirina ku xelkê Siwêdayê pê re rûbirû mabû nas bike û got, “Pêwîstî bi aşkerekirina rastiya qewimî heye.”
Li ser bingeha taîfê Siwêda ji hêla hêzên hikûmeta veguhêz a Sûriyeyê û komên çekdar ên girêdayî wê ve di prîşeke leşkerî re derbas bû, di encamê de bi sedan welatî bûn qurbanî û zêdetirî 200 kes li meydanan hatin înfazkirin.
Hefteya çûyî, Komîteya Lêpirsîna Rastiyan a girêdayî Komîteya Serbixwe ya Navnetewî ya girêdayî Sûriyeyê dest bi qonaxa duyemîn a lêpirsînan li Siwêdayê kir. Komîte li îfadeyên malbatên qurbaniyan û kesên ji ber prîşên leşkerî yên Tîrmeha borî de zirar dîtine, guhdarî dike. Komîteyê eşkere kir ku ewê encamên lêpirsînan, piştî bi dawî kirin tavilê di raporeke fermî de eşkere bikin.
