Yekîneyên TOL ên HSDê li Dêrazorê 2 çeteyên DAIŞê girtin ku di barkirin û belavkirina çekan de dixebitin.
Navenda Ragihandinê ya Yekîneyên Parastina Gel (YPG) ragihand ku li Dêrazorê 2 çeteyên DAIŞê girtine.
Daxuyaniya navendê bi vî rengî ye: “Yekîneyên operasyonên leşkerî (TOL) ên Hêzên Sûriya Demokratîk (HSD) bi piştgiriya Hêzên Koalîsyona Navneteweyî, li herêma Cewayic Zîban a Dêrazorê, operasyoneke ewlehiyê li dijî şaneyeke çeteyên DAIŞê li dar xist ku di barkirin û belavkirina çekan de çalak e.
Di encamê de 2 endamên şaneyê hatin girtin. Hewldanên hêzên me ji bo jihevxistina torên rêxistina terorîst û xurtkirina ewlehiya herêmê berdewam in.”
