Bi sedan welatiyan serdana şîna endamê HPGê Yasîn Garan (Berxwedan Cûdî) kir.
Li navçeya Cizîrê ya Şirnexê li gel Hevserokê Giştî yê Partiyên Herêmên Demokratîk (DBP) Keskîn Bayirdir, gelek parlamenterên DEM Partiyê bi sedan endamên partiyên siyasî û saziyên civaka sivîl serdana şîna endamê HPGê Yasîn Garan (Berxwedan Cûdî) ê ku di 3yê Tîrmeha 2018an li Garê jiyana xwe ji dest dayî kir. Girseya ku li ber avahiya DEM Partiyê ya Cizîrê kom bû bi berzkirina dirûşma “Şehîd namirin” heya cihê şînê yê li taxa Cûdî meşiyan.
Piştî ku girse gihîşt cihê şînê ku li mala malbata Yasîn Garan e ji bo cangoriyên azadiyê deqeyek rêz girt. Piştî rêzgirtinê Hevserokê Giştî yê DEM Partiyê Keskîn Bayirdir got ew bi saya şehîdên vê dozê gihîtine merheleyek dîrokî û wiha axivî: “Em îro di merhelyek dîrokî re derbas dibin. Em ê vê gava dîrokî bi saya şehîdan bigihînin aştiyek birûmet. Em sersaxiyê ji malbat û hemû gelê kurd re dixwazin.”
Piştî axaftina Bayindir serdana şîna Yasîn Garan bi xwedina duayan bi dawî bû.
