Li Nisêbînê ji bo endama YJA Starê Menal Akbal a ku 2022yan jiyana xwe ji dest dabû şîn hat danîn û bi girseyî hat ziyaretkirin.
Ji bo endama YJA Starê Menal Akbal (Hêvî Bahtiyar) di 7ê tîrmeha 2022yan de di pevçûnekê de jiyana xwe ji dest dabû, li taxa Zeynelabîdîn a Nisêbîn a Mêrdînê şîn hat danîn. Komeleya Piştevanî û Alîkariya Malbatên Xizmên Xwe di Derguşa Şaristaniyan de Winda Kirine (MEBYA-DER), parlamenterê DEM Partiyê Kamuran Tanhan û gelek kes serdana şînê kirin.
Girse bi meşê çûn mala şînê û ji aliyê malbata Menal Akbal ve hat pêşwazîkirin. Hevseroka MEDYA-DERê Gurbet Tekîn da zanîn ku gelê kurd bi saya Menal Akbal û hevalên wê hatine van rojan.
Gurbet Tekîn destnîşan kir ku bêyî têkoşîn tu car destkeftî nayên bidestxistin û banga xwedîderketina li pêvajoyê kir.
Dayika Menal Akbal, Selîma Akbal jî axivî û got keça wê şehîda hemû Kurdistanê ye û wê her tim birûmetî bê bibîranîn.
