Suryanên Asûr ên Keldanî li dijî êrişên Tirkiyeyê û komên çeteyan piştgiriya xwe bi HSDê re nîşan da û soza parastinê dan.
Pêkhateya Suryan ê Asûr yê Keldan ya li Bakur û Rojhilatê Sûriyeyê der barê êrişên Tirkiyeyê ên li dijî herêmê û koçberkirina şêniyan a ji Heleb û kantona Efrîn-Şehbayê de, daxuyaniyek da. Bi dehan ciwanên Suryan ên Asûrî ên Keldan beşdarî daxuyaniyê bûn. Li pêş dêra Asûrî ya li taxa Nasra ya li bajarê Hesekê daxuyanî dan. Besam Îbrahîm daxuyanî da û got: “Koçberkirina niştecihên resen ên kantona Efrîn û Şehbayê û bajarê Helebê beşek ji plana dewleta Tirk e. Armanc dikin ku guhertina demografiya Sûriyeyê pêş bixin. Pêwistiya vê qonaxê bi yekbûna pêkhateyan heye. Divê em mil bi mil em li hemberî êrişan bisekinin.”
Suryanan li dijî êrişên li ser herêmê piştgiriya xwe bi HSD û Rêveberiya Xweser re nîşan da, tevlêbûna xwe ya seferberiya giştî ragihand, her wiha soza domandina parastina herêmê da.
