Komên hikûmeta demkî ya Sûriyeyê 5 rêyên Şêxmeqsûd û Eşrefiyê bi taxên din ên Helebê ve girê didin ji bo çûn û hatinê girtine.
Komên hikûmeta demkî 5 rêyên taxên Şêxmeqsûd û Eşrefiyê yên Helebê ku bi taxên din ên bajêr ve girê didin ji bo çûn û hatina wesayîtan girtiye, tenê rêya Çerxerêya Şîhan û rêya Ewarid ji bo wesayîtan vekirine.
Li kêlek wê jî şênî tenê di rêyên Talit Eşrefiyê, Cizîrê, Parka Eşrefiyê û 2 rêyên navborî re diçin û tên.
Rêya Çerxerêya Lêremon û Çerxerêya Cendol li pêş şêniyan bi temamî girtî ne, ew jî bandoreke neyênî li tevahî aborî ya her du taxan dike.
Li gorî nûçeya ANHA’yê komên çete rê nadin tevgera wesayîtan.
Hejmarek ji çavkaniyan destnîşan kir ku komên hikûmeta yên li ser bendên kontrolê yên li derdora Şêxmeqsûd û Eşrefiyê astengiyan li pêş şêniyan çêdikin, tiştên bi wan re kontrol dikin, li nasnameyên wan dinêrin.
