Tora Mafên Mirov a Kurdistanê ragihand, rewşa tendirustiya girtiya siyasî ya Kurd Werîşe Muradî nebaşe û pêwîstî bi emeliyatê heye.
Tora Mafên Mirov a Kurdistanê di daxuyaniyek de eşkere kir ku rewşa tendirustiya girtiya siyasî ya Kurd Werîşe Muradî ku cezayê darvekirinê lê hatiye birîn, nebaşe. Hat diyarkirin ku Werîşe Muradî ya li girtîgeha Evîn a Tehranê de tê hiştin û heta niha ew nebirine nexweşxaneyê. Tora mafên mirovan da zanîn ku Werîşe Muradî ji ber nexweşiyên feqerata mil û nexweşiya mejî nerehete û ev agahî parve kir: “Beriya niha bijîşkan jêre gotibû ku pêwîstî bi emeliyatê heye. Lê berpirsên girtîgeha Evîn rê nadin ew biçe nexweşxaneyê. Di 17ê Hezîrana 2024an de, Werîşe Muradî ji aliyê Şaxa 15emîn a Dadgeha Şoreşê ya Tehranê ve, bi biryara Dadwer Ebulqasim Selewatî ve bi tometa “endama rêxistinê” hat tometbarkirin û di 10ê Mijdara 2024an de cezayê darvekirinê lê hate birîn.
