Tirkiyeyê bi SÎHAyê li çoltera Riwêşid a başûrê Şedadê ya Kantona Cizîrê 12 welatî kuştin.
Navenda Ragihandin û Çapemeniya Hêzên Sûriya Demokratîk (HSD) der barê êrîşên balafirên şer û bêmirov ên dewleta Tirk li dijî herêmên başûrê bajarê Şedadê ya Kantona Cizîrê ya Herêma Bakur û Rojhilatê Sûriyeyê de daxuyaniyek da. HSDê diyar kir ku îro, saet 3yan piştî danê nîvro, dewleta Tirk bi balafirên bêmirov û şer, gelek herêmên li beyara Riwêşid a li herêma Şedadê ya başûrê Hesekê bombebaran kirin. HSDê anî ziman ku balafirên dewleta Tirk nuqteyên hêzên HSDê, malên karkerên sivîl bombebaran kirin, her wiha li ser rêya Xurafî ya di navbera Dêrazor û Hesekê de wesayîta sivîl a ku şivanên pez tê de bû hedef girt. HSDê da zanîn ku dewleta Tirk 16 caran êrîşên hewayî li dijî herêmê pêk anîn.
Li gorî daxuyaniya HSDê 4 şervanên HSDê, 6 karkerên sivîl 2 şivan şehîd bûne.
