Serokê DYAyê Donald Trump wê roja biryarnameyekê îmze bike û bi vî rengî pêvajoya guhertina navê Wezareta Parastinê bi navê “Wezareta Şer” bide guhertin.
Serokê Dewletên Yekbûyî yên Amerîkayê (DYA) Doland Trump dê navê Wezareta Parastinê biguherîne. Li gorî daxuyaniya ji Qesra Spî hate belavkirin, biryarname wê erkê bide Pentagonê û Wezîrê Parastinê Pete Hegseth ku di nivîsên fermî û ragihandina raya giştî de navê nû bi kar bînin.
Tê gotin, ev navê ku Trump demeke dirêj e dixwaze dê bibe sedema lêçûna bi sedan milyon dolarî. Wezîr Hegseth her wiha ji bo guhertin mayinde bibe wê sererastkirinên îdarî û qanûnî yên pêwîst ji Kongreyê re pêşniyar bike.
Saziya ku heta sala 1949an li DYAyê navê “Wezareta Şer” bi kar dianî, Kongreyê wê demê nav guhertibû û kiribû “Wezareta Parastinê.” Li gorî dîroknasan ev guhertin ji bo wê yekê hatibû kirin ku îradeya dûrketina DYAyê ya ji şer nîşan bide.
