Cenazeya Hunermenda Kurd a navdar Eyşe Şan piştî 29 salan bi merasîmeke girseyî li Goristana Yenîkoyê Amedê defin kirin. Hevşaredarê Bajarê Mezin ê Amedê Dogan Hatun diyar kir ku xwesteke Eyşe Şan îro pêk hat û got: “Tu xer hatî li ser axa xwe.”
Ayşe Şan di nav hûnermandên Kurdî de cihêkî herî bilind digire. Bi sewt û stranên xwe tê nasîn û hezkirin. Ayşe Şan di 18 Kanûna 1996an de jiyana xwe dest dabû. Berî ku Eyşe Şan jiyana xwe dest bide xwestibû ku li Amedê bê definkirin. Daxwaza Eyşe Şan piştî 29 sala bi pêşengtiya Şaredariya Bajarê Mezin a Amedê, pêk hat. Li ser daxwaza Ayşe Şen, Şaredariya Amedê cenazeyê wê ji Îzmirê wergirtin û anîn Amedê. Cenazeyê Ayşe Şen li pêşiya Şaredariya Bajarê Mezin a Amedê bi merasimekê pêşwazî kirin. Di merasime de malbata Eyşe Şan, Parlamenterê Amedê Serhat Eren, Hevşaredarên Bajarê Mezin ên Amedê û navçeyên bajar, Hevserokê rêxistina DEM Partiyê, DBP û gelek welatî beşdarî merasimê bûn. Piştî merasimê cenaze birin Goristana Yenîkoyê.
Li ser gora Eyşe Şan stran gotin
Di definkirina cenaze ya li Goristana Yenîkoyê de kure Eyşe Şan Murat Kersen diyar kir ku Eyşe Şan li ser axa xwe emanetî gelê Kurd e. Siyasetmedar Yuksel Avşar jî bibîrxist ku hesreta Eyşe Şan îro xilas bû û got: “Ez bawer im gele Kurd gelek eş kişand îro ew jî xilas bû.”
Li ser navê Yekitiya Jinen Kurd Zînê Gencer jî da zanîn ku berê biryar dabûn ku Eyşe Şanê ji xerîbiyê bînin mala wê û Eyşe Şan îro emanetê gelê xwe ye.
Hevşaredara Bajarê Mezin a Amedê Serra Bucak jî destnîşan kir ku îro rojekî dîrokî ye û got: “Di 2007an ve hewldanên anîna Amedê habû. Lê îro pêk hat. Em ê li Eyşê Şanê xwedî derkevin.” Hevşaredarê Amedê Dogan Hatûn jî wiha got: “Îro Eyşe Şan hat axa xwe. Em soz didin ku tevahiya hunermendan bibin ser axa wan. Xwesteka malbatê îro bi dawî bû. Dayîka Eyşe Şan tu bi xer hatî li ser axa xwe. Axa Kurdistanê tera zarokên Kurdistanê dike.”
