Meşa ku Egîtîm-Senê xwest bi dirûşmeya “Em perwerdehiya bi zimanê dayikê dixwazin” li navçeya Qoserê li dar bixe, ji aliyê walîtiyê ve hat qedexekirin.
Walîtiya Mêrdînê meşa zimanê dayikê ya li Qoserê qedexe kir
Nûnertiya Egîtîm-Sen a Qoser a Mêrdînê, xwest bi dirûşmeya “Em perwerdehiya bi zimanê dayikê dixwazin” meşekê li dar bixe. Polîsan bi îdiaya “biryara qedexeyê ya walîtiyê” meşê asteng kir.
Piştî vê endamên Egîtîm-Senê li Qada Azadiyê pankarta “Em perwerdehiya bi zimanê dayikê dixwazin” vekirin û çalakiya rûniştinê dan destpêkirin. Welatiyên li derdorê jî piştgirî dan çalakiyê û bi dirûşmeyên wekî “Zimanê me rûmeta me ye” û strana “Zimanê Kurdî” bertek nîşanî astengkirina meşê dan.
