Komeleya Wêjekarên Kurd a Amedê bi nivîskar û wêjekaran re ji bo Yekîtiya Neteweya Kurd bernameyeke bi taştê li dar xist. Di bernameyê de nivîskar, rewşenbir û wêjekarên kurd amade bûn.
Wêjekar, Rewşenbîr û Nivîskarên Kurd, di pêşengiya Komeleya Wêjekarên Kurd de li Tesîsên Civakî ya girêdayî Şaredarîya Bajarê Mezin a Amedê ya li Fîskaya civîyan. Komeleyê ji bo Yekîtiya Demokratîk û Yekîtiya Neteweya Kurd wêjekar û nivîskar di bernameya taştê de li hev kom kirin. Nûnerên Komeleya Wêjakarên Kurd, mêvan pêşwazî kirin. Di bernameyê de Hevseroka Komeleya Wêjekarên Kurd Herdem Merwanî li ser girîngiya pêvajoyê û yekîtiya Wêjekarên Kurd axaftinek kir û got: “Heta niha gelek saziyên me hebûn. Lê gelek belawela bûn. Lê niha em dikarin di vê pêvajoyê de bi hevre gelek kar û xebatan bikin.”
Piştre Hevserokê PENA Kurd Omer Fîdan axivî û got: “Armanca vê civînê ew e ku em hêzê ji hev bigrin û ji bo civata demokratîk û azad peyvirên xwe bi cih bînin.”
Nûnerê DÎSK Basin Îşê Hakki Boltan jî anî ziman ku îro bi banga komalayekê çar Komale li hev civiyan e û got: “Ev jî hêz û qudreta çanda Kurdî dide nîşandan. Em ê ji bo pêşerojê bi hev re bixebitin.”
Piştî axaftinê bername bi dawî bû.
