Wezîrê Parastinê yê Îsraîlê Katz bi daxuyaniyeke vîdeoyî gefa kuştinê li Serokê Hizbullahê Naîm Qasêm xwar. Katz angaşt ku dê destûr nedin ku êdî Naîm Qasem biryarek din a êrişê li dijî Îsraîlê bide.
Wezîrê Parastinê yê Îsraîl Yîsrael Katz hişyariyeke tund da Serokê Hizbullaha Libnanê Naîm Qasem. Di hişyariyê de diyar kir ku ew ê nikaribe ji dayîna “bihayeke giran” ji bo êrîşên li dijî Îsraîlê di dema Cejna Pesaxê de pêk hatin xilas bibe û ew ê jî çarenûsa xwe “li binê dojehê” li gel serokên piştgirên xwe yên Îranê yên ku hatine kuştin, bibîne.
Yîsrael Katz piştî civîna li Baregeha Leşkeri ya Kiyrayê ku Fermandarê Giştî yê Îsraîlê Eyal Zamir û karmendên payebilind yên din beşdar bûn de ev gef li Serokê Hizbullaha Libnanê xwar. Katz di vîdeoyê de wiha got: “Peyameke min ya zelal ji Naim Qasem yê Sekreterê Giştî yê rêxistina terorîst ya Hizbullahê re heye: Dema ku welatiyên Îsraîlê ji bo pîrozkirina şeva Sedirê rûnin, hûn û hevkarên we dê derfet nebînin biryara êrişekê bidin. Ji ber ku beriya vê tu û hevalbendên xwe dê bihayekî pir giran bidin.”
Katz: Îsraîl bi gef û êrişan paşve gav na avêje
Katz lê zêde kir ku dê êriş gav bi Îsraîlê paşve nedin avêtin û welat dê tu carî venegere rewşa ewlehiyê ya ku beriya Şerê Îsraîl-Hemasê yê 7ê Cotmeha 2023an. Katz hefteya borî ragihandibû ku Îsraîl dê başûrê Libnanê heta Çemê Lîtanî bixe bin dagirkeriya xwe. Wezîr diyar kiribû ku ev pêngav dê ji bo avakirina ‘bendeke parastinê’ ya li dijî Hizbullahê were avêtin.
Muctaba Xameneyî ji bo Serokê Hezbullahê dua kir
Rêberê Bilind yê Îranê Ayetullah Muctaba Xameneyî, di peyama xwe ya 1ê Nîsana 2026an da ji Serokê Hizbullahê Qasim re şand de, diyar kir ku ew ji bo serkeftina Serokê Hizbullahê dua dike û hêvî nîşan da ku ew dê “planên dijminê Siyonîst pûç bike”. Lêbelê, di peyama Xameneyî de tu daxuyaniyeke eşkere tunebû ku Komara Îslamî dê ji piştgiriya îdeolojîk wêdetir, alîkariyeke madî ya zêdetir bide Hizbullahê.
