Havîl Acar piştî 31 salan ji hepsê hat berdan. Li bajarê xwe Êlihê bi coş û peroş hat pêşwazîkirin.
Havîl Acar jî yek ji wan girtiyan e ku berdana wî bi derengî hat xistin. Havîl Acar divê sala par bihata berdan lê hat astengkirin. Havîl Acar ji Girtîgeha Bolvadîn a Afyonê hat berdan. Acar û malbata xwe li gundê Xincika yê ser bi Êlihê ve bi coş û peroşek zêde û girseyî hat pêşwazîkirin. Piştî pêşwaziyê girse derbasî navenda Êlihê bû. Rêveberên Komeleya Malbatên Girtiyan, rêveberên siyasî û gelek welatî tev li pêşwaziyê bûn. Havîl Acar diyar kir ku her çiqas ew hatibe berdan jî lê xemgîn e ku gelek girtiyên nexweş û girtiyên siyasî hê jî nayên berdan.
Acar di sala 1994an de li Êlihê tê girtin. Bi dorê li girtîgehên bajarê Êlih, Yozgat, Dîlok, Mêrdin, Tokat û Afyonê tê ragirtin.
