Metîn Toprak ê ku piştî 30 salan ji girtîgehê hate berdan, li Amedê bi girseyî hate pêşwazîkirin.
Metîn Toprak di 28ê Kanûnê de ji Girtîgeha Tîpa F a Hejmar 1 ya Kiriklar a Îzmîrê tehliye bûbû. Toprak îro gihîşt Amedê. Metîn Toprak ji aliyê rêveberên TUAY-DER, MEBYA-DER û gelek kesan ve hate pêşwazîkirin.
Di pêşwazîkirinê de girse dirûşmeya “Bijî berxwedana zindanan” berz kir û kulîlk da Metîn Toprak. Metîn Toprak piştî hate pêşwazîkirin li gel malbata xwe derbasî bajarê Batmanê bû.
Derbarê Metîn Toprak de
Metin Toprak di sala 1995an de li Bedlîsê hat girtin û bi “Endamtiya rêxistinê’’ li DGMê bi cezayê muebedê hat darizandin. Metin Toprak, 30 sal û 9 meh di girtîgehê de ma. Diviyabû ku 9 meh berê bihatga berdan lê berdana wî hatibû taloqkirin û nehatibû berdan. Li girtîgehên bajarên Dîlok, Êlih, Rîze, Kirikkale û Îzmîrê girtî ma.
Metîn Toprak herî dawî di 20ê Kanûnê de dema hate serdana dayika xwe Xanim Toprak ku li nexweşxaneyek Êlihê dihat dermankirin, di wê kêliyê de dayika wî jiyana xwe ji dest da.
