100 girewteyê ke hêlê hukmatê demkî yê Sûrîye ra ameyî veradayene, Hesekê de hetê zaf kesan ra ameyî hemêzkerdene.
Ewro 100 girewteyê ke Reqa, Dêrazor, Kobanî û Qamişlo de hêsîr bî hêlê hukmatê demkî yê Sûriye ra ameyî veradayene. Keyeyanê girewteyan û qomê Hesekî girewteyî Çerxeraya Panorama yê şaristanî de pêşwazî kerdî. Pêşwazîkerdene de Walîyê Hesekê Nûredîn Ehmed, kesayetê herême û risipîyê şaristanî û şarê Hesekê hedre bî. Ame dîyarkerdene na game seba şenikkerdena êşê keyeyana.
Çarçoveya caardena xala peymana mabênê HSD’ê û hukmatê demkî yê Sûrîye de esîrî ameyî veradayene û şarê herême omid keno ke rojanê vêrnîya ma de hêsîrê ke mendê zî bêrê raverdayene.
