Ewro serê sibayî dronêka xokiştox kewrt taxêka Silêmanîyê. Ame dîyarkerdene ke teqîyayîşî ra gedeyêk birîndar bi û zerarê madî malê welatijan ser o bîyo.
Goreyê agahîyanê xebera RojNewsî ewro serê sibayî taxa Qalaw a başûrê Silêmanîyê de dronêka xokiştox kewte. Ame dîyarkerdene ke dimayê teqîyayîşî vengêko pîl vejîyayo, gedeyêk birîndar bîyo û zerarê madî 6 keyeyanê derûdorî de qewimîyayo.
Vizêr şand heta saetanê erey ê şewe hêrişê bi dronan ê şaristananê Herêma Kurdîstanî dewam kerdê. Vizêr şewe bi dronêka xokiştox Otêlê Dîvan ê Hewlêrî û Fermandarîya Hêzanê 70’î (Hêzê Pêşmerge yê girêdayeyê YNK’yî) şaristanê Silêmanîyê de kewt. Dimayê pêlê hêrişan emşo Hewlêrî û Silêmanîyê tewr kêm şeş hêrişê bînî ameyê kerdene û zerarê hêrişan nêame zanayene.
