Hêzanê leşkerî yê rejîmê Îranî eşkera kerd ke înan bi fuze û dronan hêrişê 3 kampanê Amerîkayî yê Başûrê Kurdîstanî û Kuweytî kerdo. Sewbîna zî pastaranê Îranî, Serekwezîrê Îsraîlî Netanyahu kerd bi kiştiş tehdîd kerd.
Pasdaranê rejîmê Îran dîyar kerd ke înan çarçewaya Operasyonê Leşkerî yê Pêla 52. bi dron û fuzeyan hêrişê Îsraîlî û kampanê Amerîkayî kerdo. Goreyê eşkerayî ra Başûrê Kurdîstanî de kampêk leşkerî û Kuweyt de zî 2 kampê Amerîkayî ameyê hedefgirwtene. La goreyê agahîyanê herêma Kurdîstanî ra ameyê dayene hêriş vera sivîlan bîyo û banê welatîyêk kurdî de zeraro madî virazîyayo.
Netanyahu bi kiştiş tehdîd kerd.
Pasdaranê rejîmê Îranê Serekwezîrê îsraîlî Binyamîn Netenyahu bi kiştiş tehdîd kerd. Heta nika hêzanê leşkerî yê rejîmê Îranî rasterast vera Îsraîlî bi kiştiş tehdîd nêkerdbî. La Îsraîlî her wext tehdîdê kiştişî seba rayedaranê payeberzî yê Îranî kerdene û bi hewayêko yê ke tehdîd kerdene hedef girewtî.
