Îranî bi fuzeyan hêrişê Rojavayê Şerîa û Îsraîlî kerd û hêrişî de 3 cinîyê fîlîstinijî û karkerêko xerîb cuya xo ra bîyê û xeylê kesî zî birîndar bîyê.
Şerê Îsraîl-Amerîka û Îranî bi hêriş û cewabdayîşê hêrişan dewam keno. Heyva Sor a Fîlîstînî eşkera kerd ke şewa Çarşeme fuzeyêk salonêka kuaforî ya şaristanokê Beyt Avva ya Rojavayê Şerîa de kewta û encamî de 3 cinîyê fîlîstinijî merdê, 13 kesî zî birîndar bîyê. Ame dîyarkerdene ke rewşa cinîyêka birîndar giran a.
Eyn pêlê hêrişî merkezê Îsraîlî de zî bi sebebê mergî. Rayedaranê weşîye dîyar kerd ke Moshav Adanimî de ke 20 kîlometere vakur rojhelatê Tel Avîvî ra dûrî ya, karkerêko xerîb cuya xo ra bîyo. Destpêkê şerî ra heta nika Îsraîlî ra 15 kesî ameyê kiştene.
Artêşê Îsraîlî eşkera kerd ke demê hêrişî de fuzeya ke Îran ra ameya tesbîtkerdene û seba astengkerdişê tehdîtî, operasyon ameyo destpêkerdene. Goreyê xebera Reutersî herême de hûmara sitargehan xeylê kêmî ya.
