Şarê şaristanê Qamişlo û koçberê Efrînî bi wesîleyê roşanê Remezanî û Newroze hêvîyê agêrayîşê warê xo, serbestveradayîşê girewteyan û cuyêka ewle kerde.
Şarê Qamişlo, koçberê Efrîn û Şehbayî bi wesîleyê roşanê Remezanî û Newroze hêvîyê xo ajansê ANHA’yî rê îfade kerdê.
Hemwelatîya bi nameyê Xalidîye Derwîş a şaristanê Qamişloyî roşanê Remezanî û Newroze pêroyê şaran rê pîroz kerd û şehîdan rê rehmet waşt. Sewbîna zî hêvî kerd ke şar heskerdiş û aramî reyde biciwîyo û aştî virazîya.
Gedeya bi nameyê Dua Ciwan Musa zî bi nê vatişan hêvîyê xo îfade kerdê: “Ma wazênê dibistanê ma abê ke wendişê xo bidomnê, şer vindero, aştî virazîya û hêvîyê şarê ma bêrê ca.”
Cinîya bi nameyê Hesna Xelîl Henan a Efrînije hêvîyê xo wina pare kerdî: “Seba ma roşano raştîken o yo ke ma agêrê herême û waranê xo. Wexto ke esîrî bêrê veradayene o wext roşano tewr weş o. Ma wazenê agêrê Efrîn seba ke gedeyê ma heqê wendişî ra bêpar nêmanê, wendişê xo bidomnê.”
Hesen Sîdo Bîlal ê koçberanê Efrînî ra zî vat: “Ma wazenê agêrê ca û waranê xo. Ma wazenê heme esîrî bêrê veradayene.”
