Şervananê YRK’yî Newroza 2026î koyanê Kurdîstanî de bi wekerdişê adirî pîroz kerd.
Yewîneyanê Pawitişê Rojhelatê Kurdîstanî (YRK) koyanê Kurdîstanî de bi wekerdişê adirî roşanê Newroze pîroz kerd. Pîrozkerdişî de şehîdê azadî ameyê vîrardene û mesajê seba azadîya şarê kurdî ameyê dayene. Mesajan de teqezîya azadîya fizîkî yê Rayberê Şarê Kurdî Abdullah Ocalanî ser o ame vindertene û ame vatene ke têkoşînê şarê kurdî resayo qonaxê çareserî. Sewbîna şervanan dîyar kerd ke kurdî nê têkoşînê de bîyê wayîrê tecrube û destkewteyan. Şervanan vat ke na serre de rixmo ke kurdî rewşêka çetinî ra derbas benê zî sereyê xo îşxalkeran rê çewt nêkerd û bi xoverdayîşêko gird têkoşîn da.
Şervanan adirêko girr ê Newroze wekerd û dima ra derûdorê adirî de govende girewte û deyîrî vatî.
