Babîyê Endama Konseya Rayberdişî ya KCK’yî Fatma Adir, Haydar Sever (90) ke Stuttgart de dinyaya xo bedilnaye, memleketê ci de Dêrsim de ame definkerdene.
Babîyê Endama Konseya Rayberdişî ya KCK’yî Fatma Adir, Haydar Sever (90) ke Stuttgartê Almanya de dinyaya xo bedilnaye, memleketê ci de Dêrsim de ame definkerdene.
Hemsereka Pêroyî ya DBP’yî Çîgdem Kiliçgun Uçar, Wekîla DEM Partî ya Dêrsimî Ayten Kordu û xeyle temslîkarê partîyanê sîyasîyan û komelê sîvîlî tewrê merasîmî bîyî.
Çîgdem Kiliçgun Uçara ke merasîm de qisey kerd, vat: ”Severî rixmê surgun û heme zehmetîyan nasnameyê xo pawit, têkoşîn kerd û wayîrê erjanê xo vejîya. Rixmo ke Ewropa de ciwîya, ziwanê dayîke û kulturê xo ra nêqerfîya û domanê xo zî bi na hişmendî perwerde kerdî.”
Birarzayê Severî, Îmdat Severî zî ard ziwan ke girêdayîşê ey yê kultur û erjanê ci tesîrê keyeyê ci zî kerd.
Badê merasîmî ke semedê Haydar Severî Cemxaneyê Seterî de ame hazirkerdene, cenazaya ci mezelanê dewa Seterî de ameye definkerdene.
