Serdar Şîtîlay ke badê 33 serran Hepisxaneyê Xarpêtî ra ame veradayene, Amed de bi hewayêko girseyî, tilîlî û çepikan reyde ame pêşwazîkerdene.
Serdar Şîtîlay ke Hepisxaneyê Ewleyîya Berze yê Hûmara 1. ê Xarpêtî de ameyene girewtene, badê 33 serran ame veradayene. Serdar Şîtîlay serra 1993î de ame destbendkerdene û bi îdiaya “endamtîya rêxistine” ame girewtene. Serdar Şîtîlay ke wext ke girewte bi ameyêne muhakemekerdene, Mehkemaya Ewleyî ya Dewlete (DGM) ya Amedî de 9ê gulane 1994î de bi îdiaya “parçeyêkê erdê binê bandureyê dewlete de yo dewlete ra abirnayo” cezaya muebedî ya hepisî daye ey. Her çend cezaya ke ey rê ameya dayene, qedînayba zî veradayîşê Serdar Şîtîlayî hetê Heyetê Çimdarî û Îdareyî yê Hepisxaneyê Ewleyîya Berze yê Hûmara 1. ê Xarpêtî ra 6 reyan, her reyî 6 aşmî ame taloqkerdene.
Badê ke 6 aşmî qedîya, Serdar Şîtîlay badê 33 serran Hepisxaneyê Ewleyîya Berze yê Hûmara 1. ê Xarpêtî ra ame veradayene. Keyeyê Serdar Şîtîlay, temsîlkarê TUAY-DER û DEM Partî yê Xarpêtî Serdar Şîtîlay vernîya hepisxaneyî de pêşwazî kerd. Serdar Şîtîlay, ver bi Amedî kewt rayîr, verê keyeyê Serdar Şîtîlay ke taxa Huzurevlerî ya qezaya Peyasî yê Amedî de zî hetê endam û rayberanê MED TUHAD-FED, TUAY-DER’î yê Amedî û xeylê kesan ra bi tilîlî û çepikan ame pêşwazîkerdene.
