PJAK, bi munasebetê ronayîşê xo yê 22. û rojbîyayîşê 77. yê Rayberê Şarê Kurdî Abdullah Ocalanî yew mesaj vila kerd. Mesajê xo de eşkera kerd ke do seba şarê kurdî û şarê ke bine zulmî de eciqîyenê tekoşîna xo dewam bikerê.
Partîya Cuya Azade ya Kurdîstanî (PJAK) bi munasebetê ronayîşê xo û rojbîyayîşê 77. yê Rayberê Şarê Kurdî Abdullah Ocalanî eşkerayîyêk vila kerd.
Eşkerayîye de ame dîyarkerdene ke ronayîşê PJAK’î ra nata 22 serrî bê mabên bi tekoşînêko xurt derbas bî û înan serrgêra şarê kurdî, keyeyê şehîdan, terefdarê azadîye û demokratan pîroz kerd.
PJAK’î eşkerayîya xo de dîyar kerd ke seba şarê kurdî, têgerayişê azadîye ya Kurdîstanî û şarê bindestî tekoşîn kene, no tekoşîn do bi amancê “cuyêka azade û serkewte” dewam bikero.
Eşkerayîye, vîr vist ke PJAK, 4ê Nîsane 2004î de bi amancê pawitenê heqê şarê bindest û awankerdenê cuyêka azade seba şarê kurdî awan bîya.
Partîye, ronayîşê xo sey “Newe ra bîyayişê şarî” pênase kerd ke bi saya têgêrayişî azadîye şarê kurdî destkewteyî muhîmî dest vistî.
PJAK’î dîyar kerd ke bitaybet saya fedekarîya kadro û hêzanê gerilla, şarê kurdî na serra peyîne de xeylî gamê girdî eştî û aver şîyî.
Eşkerayîye de ama dîyarkerdene ke “Serra ke derbas bîya de ma û şarê kurdî verê versîya tekoşînî têgerêrayîşê xelasîye, bitaybet saya fedekarîya kadro û hêzanê gerilla şarê kurdî na serra peyîne de xeylî aver şîyî û gamake hîna nizdê azadîye bîyî.
