Hezar kesî seba pîrozkerdişê rojbîyayîşê Rayberê Şarê Kurdî Abdullah Ocalanî qezaya Xelfetî ra vîyartê dewa Amara. Resayîşê girseyî reyde keyeyê Rayberê Şarê Kurdî Abdullah Ocalanî de ke maya xo ra bi, pîrozkerdişê rojbîyayîşî dest pêkerd.
Rojbîyayîşê Rayberê Şarê Kurdî Abdullah Ocalanî yo 77. hetê bi hezaran kesan ra keyeyo ke tede maya xo ra bîyo, dewa Amara ya qezaya Xelfetî ya Riha de yeno pîrozkerdene. Hezar kesî ke qezaya Xelfetî de bi rayîrşîyayîş kewtê rayîr, resayê dewa Amara û bi resayîşê girseyî pîrozkerdişî dest pêkerd. Keyeyê Rayberê Şarê Kurdî Abdullah Ocalanî pê fotografan ame xemilnayene. Sewbîna girseyî pankarto ke ser de “Bi Rêbertiya azad ber bi yekitiya neteweyî ya Demokratîk ve” ameyêne nuştene girewt û fotografê Mahsun Karaoglan û Mustafa Dagî ame girewtene ke 4ê Nîsana 2009î de pîrozkerdişê rojbîyayîşê Rayberê Şarê Kurdî Abdullah Ocalanî de encamê hêrişê cendirmeyan ameyê qetilkerdene.
Welatîyê ke bi cil û berganê Kurdî û xemla kesk û sûr û zerd û bi vatişê slogananê, “Bijî Serok Apo”, “Bê Serok jiyan nabe” û “Rojbûna tê pîroz be ey Serok Apo” vîyartê keyeyê Rayberê Şarê Kurdî Abdullah Ocalanî bîyê, kewtişê zereyê keyeyî de sozdarîya xo ya seba Rayberê Şarê Kurdî Abdullah Ocalanî mojnaye. Girse tîya de demêko derg govende girewte û sloganî vatê. 7 serrî ra heta 70 serrî welatîyî bi coşêko pîl rojbîyayîşê Rayberê Şarê Kurdî Abdullah Ocalanî pîroz kenê.
Pîrozkerdiş bi deqîqeyêk rêzgirewtişî dest pêkerd. Rêzgirewtişî de girse bi yew veng sirûdê Çerxa Şorişî wend. Dimayê rêzgirewtişî programê pîrozkerdişî dest pêkerd. Pîrozkerdiş bi sînevîzyonî dest pêkerd ke behsê bîyayîşê Rayberê Şarê Kurdî Abdullah Ocalanî, têkoşînê vejînê şarê kurdî û heme şaranê bindest keno. Sewbîna sînevîzyonî de qiseykerdiş û vatişê Rayberê Şarê Kurdî Abdullah Ocalanî zî ca girewt.
Dimayê sînevîzyonî pîrozkerdiş bi qiseykerdiş û grûba govende dewam bikero.
