Li gorî daneyê tundiyê yên ku Jinnewsê di meha Adarê de kom kirin, herî kêm 29 jin û 2 zarok hatine kuştin; 20 jin û 2 zarokan jî di bin şert û mercên gumanbar de jiyana xwe ji dest dane.
Li bajarên Kurdistan û Tirkiyeyê, tundiya mêran berdewam dike. Ji ber polîtîkayên bêcezatiyê ev tundî zêde dibe. Sûcdar gelek caran mêrên herî zêde nêzî jinê ye û tundî li cihên ku wekî “ewletirîn” têne hesibandin pêk tê. Fermanên parastinê têne binpêkirin, gilî tên paştguhkirin û jin bi berdewamî ji hêla mekanîzmayên ku wan serî lê dane ve tenê tên hiştin. Mirinên bi gûman ên jinan berdewam dikin û li aliyekî jî dosayên ku hatine vekirin li benda lêkolînê ne.
Jin ji bo parastina mafê xwe israr û têkoşîna xwe berdewam dikin.
Li gorî nûçeya Nûçegîhana JINNEWSê Yeşîm Oruç ku daneyên Adarê yên çapemeniyê berhevkirin, herî kêm 29 jin û 2 zarok hatine kuştin; 20 jin û 2 zarokan di bin şert û mercên gumanbar de jiyana xwe ji dest daye.
Kiriyar mêrê herî zêde nêzî jinê ye
Ji jinên ku hatine kuştin, 1 ji aliyê xwendekarê xwe ve, 2 ji aliyê mêrên bi wan re dijiyan, 1 ji aliyê mêrê ku hev berdabûn, 7 ji aliyê mêrên ku bi wan re di pêvajoya hevberdanê de ne, 10 ji aliyê mêrên bi wan re hatibûn zewicandin, 1 ji aliyê birayê xwe ve, 1 ji aliyê kurê xwe ve, 1 ji aliyê kesekî nenas ve, 1 ji aliyê mêrê ku têkiliya wê bi wî re nayê zanîn, 1 ji aliyê xalê xwe ve, 1 ji aliyê mêrê xuşka wê pê re hatibû zewicandin, 1 ji aliyê mêrê berê pê re hatibû zewicandin û 1 ji aliyê zavayê xwe ve hatiye kuştin.
Kuştina jinan a li bajaran
4 li Stenbolê, 2 li Aydinê, 3 li Bursayê, 1 li Edeneyê, 2 li Îzmîrê, 2 li Muglayê, 3 li Mersînê, 1 li Trabzonê, 1 li Kayseri, 1 li Aksaray, 1 li Nevşehir, 2 li Amed, 1 li Samsûnê, 1 li Hatayê, 1 li Nîgdeyê, 2 li Manîsayê û 1 li Eskîşehirê.
