* Cîgirê Hevserokên Giştî yên DBPê Huseyîn Bîrlîk têkîldarî pêvajoya Aştî û Civaka Demokratîk û azadiya fizîkî ya Rêberê Gelê Kurd Abdullah Ocalan da zanîn ku gelê Kurd ji ber neavêtina gavan biguman nêzî pêvajoyê dibe û got: “Meclîsa Tirkiyeyê û partiyên siyasî divê demildest ji bo azadiya Rêberê Gelê Kurd û pêşketina pêvajoyê gavan biavêjin û helwesta xwe daynin holê.”
* Rojnameger Halît Ermîş ku li ser agirbesta DYAyê û Îranê axivî, diyar kir ku dê li Rojhilata Navîn hemû hevsengî bên guhertin û wiha got: “Hemû hêz dê hewl bidin ku ji aliyê leşkeri ve xwe bi hêz bikin. Ji ber vê jî dibe ku tifaqên nû li pêş bikevin.”
* Paşvekişîna ava Gola Wanê ku weke pirsgirêka herî mezin a herêmê tê dîtin, her tim di rojevê de ye. Tevî berf û baran îsal zêde jî bariya asta ava golê bilind nebû û ji ber germbûna gerdûnî û zêdebûna hilmê her ku diçe av bêhtir vedikişe û kêm dibe.
* Li Tirkiyeyê ji ber bihabûna benzîn û mazotê kirîn û firotina wesayitan gelekî kêm bûye. Firoşkarên li Amedê ku dixwazin wesayitên xwe bifiroşin gazincên xwe anîn ziman û gotin ji ber mazot û benzînê her roj biha dibe kes nikare wesayitan bikire û bifiroşe.
* Komîsyona Kedê ya DEM Partiyê têkildarî 1ê Gulanê Roja Karker û Kedkarên Cîhanê dê li avahiya navenda giştî daxuyaniyê bide. (11:00)
* Odeya Avahîsazan a Şaxa Amedê derbarê bajêr de dê li avahiya xwe ya li Ofîsa Amedê civîneke çapemeniyê li dar bixe. (12:30)
* Di Lîga 1emîn a Trendyolê de dê Amedspor û Esenler Erokspor li Stada Eroksporê ya li Esenlera Stenbolê werin pêşberî hev. (20:00)
