Cagira Hemserekîya Pêroyîye ya ESP’yî avûkat Sezîn Uçara ke 13ê nîsane de ameybî destbendkerdene, ameye girtîş.
3ê sibate de vera Partîya Sosyalîst a Bindestan (ESP), Ajansê Xeberan ê Etkînî, Meclîsê Cinîyan ê Sosyalîst (SKM), Federasyonê Komelanê Ciwanan ê Sosyalîst (SGDF), DÎSK/LÎMÎTER-ÎŞ, Polen Ekolojî û BEKSAV’î operasyonêko sîyasî amebi kerdene. Polîsan 22 şaristanan de eşt xeylê keyeyan ser, 95 kesî destbend kerdî û dima ra ê ameyî girewtiş.
Derheqê Cagira Hemserekîya Pêroyîye ya ESP’yî Sezîn Uçar de zî qerarê destbendkerdişî est bi. Sezîn Uçar wexto ke teberê welatî ra agêraye, 13ê nîsane de Teyaregehê Stenbolî de ameybî destbendkerdene. Sezîn Uçar ewro sewqê Edlîyeya Stenbolî ameye kerdene. Sezîn Uçar bi îdiaya “endamtîya rêxistine” ameye girewtiş.
