Rayîrê Colemêrg û Wanî ke ser o hezaz qewimîyabi, nêzdîyê aşmêk o ke girewte yo. Leşkeran seba ameyîş û şîyayîşî pirdêkê panelî yo demkî viraşt.
Rayîrê Colemêrg û Wanî de 11ê nîsane de hezaz qewimîya û nêzdîyê aşmêk o girewte yo. Şîyayîş û ameyîşê şaristanî binê kontrolî de beno û welatî zaf mexdûr ê. Sewbîna seba akerdişê rayîrî yan zî rayîrêko alternatîf, cehdî kêm manenê. Ney ser o, leşkeran pirdêkê panelî yo demkî viraşt. Labelê yeno vatene ke eke laser wirzo, no pird do tehlukeyêka bîne bîyaro meydan.
11ê nîsane ra heta nika, rîyê hezazî ra şîyayîş û ameyîşê Colemêrg û Wanî birîyayo. No pirdo newe ke sey pirdêko panelî ameyo viraştene, ameyo ceribannaye û wesayîtî ser ra derbas bîyê. Rixmo ke pirdo panelî ameyoviraştene, hema zî nêkewto felîyetî.
