Rayîrê Colemêrg û Wanî rixmo ke no 18 rojî yo rîyê hezazî ra girewte yo hema zî nêameyo akerdene. Welatîyê ke bi kîlometreyan rayîr de asê mendê, vera na rewşe reaksîyon mojna û vat: “Eke cayêko bîn bîyêne do rojêk de rayîrî biakerdêne. Tîya bêwayîr o.”
Rayîrê Colemêrg û Wanî rîyê hezaz û kewtişê aşûtî ra 11ê nîsane ra heta ewro girewte yo. Rixmo ke nêzdîyê hîrê hewte hedîse ser o vîyartê, rayîro ke rîyê hezazî ra amaeyo girewtene, hema zî bi temamî nêameyo akerdene. Rayîro ke seba herême xeylê muhîm o nika tena bi hetkarî û bikontrol yeno şuxulnayene. Na rewşe bena sebebê qelebalixîya bêpeynî. Bi seyan wesayît, kamyon, heta otobusê raywanan ê ke paweyê vîyartişî yê, bi kîlometreyan kewtê dore. Welatîyanê Colemêrgî yê ke wazenê xo biresnê nêweşxane yan zî karanê xo yê lezgîn, astengîyêka pîle vejîyaye. Welatîyê ke rayîr de kar û baranê xo û lazimtîyanê xo ra mendê, ma rê qisey kerd.
Welatîyê ke nêzdîyê 20 rojî yo rayîr de perîşan bîyê, bi hêrs wina vat: “Heştês rojî yo no rayît girewte yo. Eke cayêko bîn bîyêne do rojêk de no rayîr biameyêne akerdene. La seba ke ma şarê Colemêrg û Geverî yê, kes ma rê wayîr nêvejîyeno.
