Qeyûmê Xelfetî yo verên Şeref Albayrak û 29 kesî sucanê “awankerdişê rêxistina sucî” û “dayîşê deynî de hîle kerda” ra ameyê girewtene.
Çarçewaya cipersayîşê “seba kerdişê sucanê awankerdişê rêxistine” û “dayîşê deynî de hîle kerda” 24ê nîsane de 46 kesî ke mîyanê înan de Qayûmê Verên ê Xelfetîya Riha Şeref Albayrak zî est bi, ameyî destbendkerdene. Albayrak ke verê cû sey qeyûm amebi tayînkerdene, dima AKP ra bibi şaredar.
46 kesê ke ameyî destbendkerdene, karê înan ê mehkema qedîya. 29 gumankarê ke Albayrak zî tede yo, ameyî girewtene. 17 gumankaran ra 3 kesî ameyî veradayene, 14 kesî zî bi şertê kontrolê edlî ameyî veradayene.
Çarçewaya cipersayîşî de derheqê yew kesî de ke qerarê destbendkerdişî ame dayene, cigêrayîş seba girewtişê ci dewam keno.
