Rojnameger Eylem Babayîgîta ke ameye girewtene dîyar kerd ke ê do zere de zî tim binusê
Rojnameger Eylem Babayîgît 21ê çeleyî de çarçewaya tehqîqatêkê Serdozgerîya Komare ya Îstanbulî de amebî destbendkerdene û 22yê çeleyî de tepişîyaye.
Eyleme Hepisxaneyê Bakirkoyî ra bi rayîrê avûkatanê xo mesaj erşawit û vat: “Qelema rojnamegeran do erdî ra nêmana. Ganî pêro ciwanê kurdî xo sey generalê Apê Mûsayî yê şenikî bivînê.
Her cinîya ciwane ganî rêçê Gurbetellî Ersoz ra şêra û mîrasê aye bipawa. Sey kedkaranê çapemenîya azade ma do zere de zî tim binusê. Nê mehkeme û tepiştişî do bi ma nêeşkê. Bi paştdayîşî…”
