Veradayîşê girewteya nêweşe Pinar Tîkîte ya ke Hepisxaneyê Tîpê F’yî yê Sîncanî de yena agirewtene, reya diyîne ame taloqkerdiş.
Heyetê Îdare û Çimdarîye veradayîşê girewteya nêweşe Pinar Tîkît ke Hepisxaneyê Tîpê F’yî yê Cinîyan ê Sîncan ê Anqara de yena girewtene, reya diyîne taloq kerd. Heyetî, semedê veradayîşê Pinar Tîkîtî ke serra 2014î ra girewte ya 24ê Nîsane de kom bi. Heyetê poşmantî Pinar Tîkîtî ferz kerd. Dima ke Pinar Tîkît reaksîyon mojna kombîyayîşê 30yê Nîsane de heyetê qerarê xo da û veradayîşê aye reya diyîne semedê 6 aşman taloq kerd.
Do kombîyayîşê erjnayîşî, 5ê teşrîna peyêne de bêro kerdiş. Veradayîşê Tîkîte reya ewil 22yê çeleyê 2026î de 3 aşmî amebî taloqkerdiş. Pinar Tîkît ke kîstê araknoîd mezgê aye de est o, şert û mercanê hepisxane de nîna dermankerdiş. Sewbîna Pinar Tîkît lîsteya girewteyanê nêweş ê Komela Heqanê Merdiman (ÎHD) de ya zî.
