Erzingan de koyê Zîyara Axbawayî hîna binê vewra sipî de yo û awanê xo yê zelalan deşta Erzinganî weye keno. Wisarê deşta Erzinganî goreyê serranê bînan tayêna xurt aseno û deşte bîya reng bi reng. Mordem wazeno ke qaytê ci bikero.
Zimistan û wisarê emserî de vewre û varayîşî zaf varayî. No semed ra wisarê emserî zî her cayê welatî bi rindekîya xo neqiş kerdo. Nê cayan ra yew zî ko û deştê Erzinganî yê. Koyê jîyara Axbawayî yo ke dergîya koyanê Munzirî de ca gêno û berzîya xo 3500 metro yo hîna binê vewra sipî de yo la deşta Erzinganî bi renganê kesk û sûr û zerdan xemelîya.
Wexto ke kameraya ma rindekîya xozayî, gima gima awan, gul û sosinan, vilikan, saye û murîyan qeyd kerdêne, no mabên de yew Luye zî kewte verê kameraya ma. Sey nebat û heywananê xozayî ey bînan aye zî zimistano çetin peyde verdayo û tamê rindekîya wisarî vetêne.
Heto bîn ra zî dewijan dest bi karê xo yê wisarî kerdbî û kar û xebatê înan zî kewt vernê kameraya ma.
