Badê zimistanê çetinî herêma Kelaya Keferûnî ya 5 hezar serre dorûverê xo bi reng û rindekîya wisarî xemelnayo û balê gêrayoxan anceno serê xo.
Şaristan û qezayan de hetêk ra şilî zêde varena heto bin ra zî wisar o û wisar emser şên û geş bîyo. Badê zimistanêko çetin û şilîya zêdeyî wisar zî xo bi xemlê xo mojneno. Herêma Kelaya Keferûne ya dewa Duderya girêdayeyê Pasûrê Amedî ya nê mewsîmê wisarî de bala merdiman anceno serê xo.
Yeno vatene ke tarîxê Kelaya Keferûnî reseno 5 hezar serre û wayîrê tarîxî qedîm a. Her serre tîya beno cayê gêrê gêrayoxan.
Dîmenê ke bi drone cor de ra dorûverê Kelaya Keferûnî ameyê girewtene, rindekîya wisarî nîşan dano.
