Şaredarîya Peyasî bi hetkarîya ‘Komeleya Ma Seba Ameyoxî Tîya yê’ bi sloganê ‘Ciwananê azadan reyde ver bi ameyoxê Azadî’ Pêvînayîşanê Ciwanan ê Spor û Kulturî yê 1. do organîze bikera.
Bi hetkarîya ‘Komela Ma Seba Ameyoxî Tîya yê’ (GÎB-DER) û Mudirîyetê Xizmetanê Ciwan û Sporî û Mudirîyetê Kultur û Xizmetanê Komelkî yê Şaredarîya Peyasî do Pêvînayîşê Ciwanan ê Spor û Kultur ê Peyasî yê 1. yenê organîzekerdiş. Pêvînayîşo ke bi sloganê ‘Ciwananê azadan reyde ver bi ameyoxê azadî’ yeno organîzekerdene, ciwanî do bi amanco ke spor, kultur, yewbînîgirewtiş û cuya hempare pîya gird bikerê, yenê têhet. Pêvînayîşî do 12-13 û 14ê hezîrane de Parka 75î ya Peyasî de bêrê viraştiş. Pêvînayîşan de xeylî çalakîyê rengin û hunerî do bêrê organîzkerdiş û roja ewilî do bi konserê Kasim Taşdogan, Eylul Nazlier, Sîmyager, Dengbêj Hedîye û Dengbêj Berken Zer dest pêbikero.
3 rojan de bi amancê yewbînîgirewtişî, do panel, atolye, çalakîyê renginî, kayê tradîsyonel û kulturî bêrê viraştiş.
Programê Pêvînayîşê Ciwanan ê Spor û Kulturî yê Peyasî yê 1. wina yê:
Roja 1.
16:00 – 19:00
-Pêşwazîya Beşdaran
-Cakerdişê Beşdaran
-Şewe
21.00 -23.00
-Konserê akerdişî
Ca: Parka 75î ya Peyasî
Roja 2.
08:30-10:30
-Rojbaş
-Sporê serê sibayî
-Arayî
11:00 – 13:00
-Panelê Ekolojîyê
-Jineolojî
13:00 – 14:00
-Werd, çay, qehwe
-Roportajê kilmî ciwananê beşdaran reyde
14:30-16:30
-Panel (Parekerdişê tecrubeyan)
17:30-20:00
-Xebatê Sporî
-Voleybolê Plajî
-Futbol
-Basketbol
-Îstasyonê fitnessî yê qijî
-Kayê tradîsyonelî yê Kurdkî
-Kerrayê Qewetî
-Gog
–Hîrêgamî
–Rovejîyayîşê Dare
2o:00 – 20:30
-Şewe
20:30 – 21:30
-Mabên
21:30 – 23:30
Konserê ke hetê ciwanan ra bêrê dayene
Roja 3.
08:30-10:30
-Rojbaş
-Sporê Serê Sibayî
-Arayî, Merkezê Kurturî yê Amargîyê
10:30-12:30
-Rayîrşîyayîşêk mîyanê Bexçeyê Hevselî de
13:00
-Xatirwaştiş
