Pêşêngîya Komeleya Kultur û Hunerî ya Çewligî de seba averberdişê xebatanê kultur, huner û ziwanê dayîke konser ame viraştene.
Çewlig de bi pêşengîya Komeleya Kultur û Hunerî konserêk ame organîzekerdene. Konser de hunermendî Ciwan Adar, Arif Korkmaz û Veysel Alkan vejîyayî sehneyî ser û deyîrê vatî. Parlamenterê DEM Partî yê Çewligî Omer Farûk Hulaku û xeylê kesî tewrê konserî bîyê.
Konser de Parlamenterê DEM Partî yê Çewligî Omer Farûk Hulaku ajansê ma rê qisey kerd û wina vat: “Komeleya Kultur û Hunerî ya Çewligî bi mesûlîyetêko pîl û bi qîymet kedê dana. Ma ewro îta de vera heme tewir sîyasetê înkarî û nêşinasnayîşî ziwan û kulturê kirdkî ciwîyene, goş danê deyîranê xo û pêro pîya deyîranê xo vanê. Ganî pêro şarê çewligî seba ziwan, kultur û nasnameyê xo paştî bido nê sazgehî, ma do zî her tim paştî bidê Komeleya Kultur û Hunerî yê Çewligî. Seba keda înan ez pêrûnan rê spas kena.
Konser de deyîrê Rençber Ezîzî û deyîrê bi ziwanê kurdkî zazakî û kurmacî ameyê vatene
