Şaredarîya Amedî ya Şaristanê Girdî, cayêko 80 donimî de Merkezê Zanyarîye yê El Cezerî virazena ke nameyê xo zanyar, mucît û muhendîs Cizîrî El Cezerî ra gêno ke dinya de muhendîso verên hesibîyeno.
Şaredarîya Amedî ya Şaristanê Girdî, seba ke bajar bibo merkezêko muhîm ê warê zanist û teknolojî û ciwanî warê zanist û teknolojî de bêrê piştîdayene, Merkezê Zanyarîye yê El Cezerî virazena. Merkezê ke hetê Serekîya Daîreya Karê Teknîkî ra ameyo projekerdiş, badê prosesê îhaleyî dest bi viraştişî bibo. TUBÎTAK zî do na proje rê piştî bido.
Sey cayê ciwîyayîşî ameyo dîzaynkerdene
Merkezo ke nameyê El Cezerîyê Cizîrî ke muhendîso verên hesibîyeno gêno, do şarê ke bajarî de ciwîyeno û bi taybetî ciwanan rê warê zanist û teknolojî de bibo îlham. Merkez sey “cayê ciwîyayîşî” ameyo dîzaynkerdene ke şar do tena cayê zanist û teknolojî ney, eynî wext de rayîrê gêrayîşî û cayê parke ra zî îstîfade bikero.
Do cayê gêrayîşî û sporî bibo
Merkezê Zanyarîye yê El Cezerî de ke cayêko 70 hezar metrekareyî de do bêro viraştene, teberê cayê gêrayîşî û sporî ra do cayê erebeyan, kafe, hewz, cayo ke eserê El Cezerî tede yenê nawitene û naskerdiş, dikanê dîyarîyan, salona zafhetîye, sinifî û cayê aktîvîteyan zî bibê.
Merkezê Zanyarîye yê El Cezerî do bibo cayêk ke şarê ke Amedî de ciwîyeno do hem xebatanê zanist û teknolojî bikero hem zî bieşko rehet nefes bigîro.
