Tabelaya ke fotografê rojnameger Gulistan Tara û Hêro Bahadîn ser o bi, cehdeyêkê qezaya Seyîdsadiqî ameybî ronayene, hetê tayê destanê tarî ra ameye şikitene û veşnayene.
Rojnameger Gulistan Tara û Hêro Bahadîn aşma tebaxe ya 2024î de qezaya Seyîdsadiq a Silêmanîyê de hetê SÎHAya dewleta tirke ra ameybî kiştene. Roja 10ê sibate bi tewrbîyayîşê gelekî rojnameger û çalakkeranê sîyasî rayîrê nêzdîyê qezaya Seyîdsadiq yê Silêmanîye ser o tabelaya fotografê Şehîdê Çapemenîya Azade Gulistan Tara û Hêro Bahadîn cayo ke ameyê kiştene uca de ameye ronayene. Seba ke tim bêrê vîrardene nameyê cehdeyê zî kerd “Cehdeyê Gulistan Tara û Hêro Bahadîn.”
Goreyê xebera ROJ NEWS’î tabelaya ke fotografê her di rojnamegeran ser o bîye, ameya şiknayene û dima ra zî ameya veşnayene. Nêame zanayene ke no hêrişo ke hemverê merdimîye yo hetê kamî ra ameyo kerdene.
