Komela Cigêrayîş û Muşahadeyê Koçî ya Mezopotamya derheqê vengdayîşê Rayberê Şarê Kurd Abdullah Ocalanî de waşt ke seba aştî û sîyaseto demokratîk zemîno huqûqî û sîyaseto demokratîk bêro awankerdene.
Badê vengdayîşê tarîxî yê Rayberê Şarê Kurd Abdullah Ocalanî zaf partîyê sîyasî û rêxistinê sivîlan piştî da. Komela Cigêrayîş û Muşahadeyê Koçî ya Mezopotamya (GOÇ-Der) derheqê mesajê “Vengdayîşê Aşitî û Komelê Demokratîkî” yê Abdullah Ocalanî de, awanîya xo ya Qezaya Şaristanê Neweyî ya Amedî de kombîyayîşê çapemenîye organîze kerd û rayberê komeleye beşdar bîyî.
Hemserekê komeleye Murat Sarî beyanat bi kurmancî wend û Hemsereka komele Medya Alkan zî beyanat bi tirkî wend. Murat Sarî dîyar kerd ke hewceyîya awankerdişê bingeyê sîyaseto demokratîk û huqûqî est a.
Beyanat wina yo:
“27ê Sibata 2025î de mesajo ke hetê rêzdar Abdullah Ocalanî ra ame dayene, dîyar keno ke bi awankerdişê sîyaseto demokratîk û aştî resayê merheleya tarîxî. Reyna mesajê rêzdar Abdullah Ocalanî heme nuqteyê ke behsê înan bîyo, seba qedênayîşê şerê ke bi serran o dewam keno û çarçewaya aştî de teşedayîş û awankerdişê proseso hempar ê şaran de vengdayîşêko tarîxî yo.
‘Hewce yo şert û mercî bêrê awankerdene’
“Seba hewcedarîyê ke nê vengdayîşî de ke hetê rêzdar Abdullah Ocalanî ra ameyo kerdene ca bêrê û bikewo merîyet, seba ke rayê çareserîya aşitî xurt bibo, hewce yo şert û mercî bêrê awankerdene. Na çarçewa de seba ke rêzdar Abdullah Ocalan rolê xo yê çareserîye zemîno demokrasî û aşitî de bîyaro ca, hewceyo ke nê şeryî bi ca bêrê. No proses o ke bi vengdayîşê ey dest pêkerdo, seba ke bireso ca sey aktorêko aktîf ganî vernîya ey bêra akerdene. Ma sey Platformê Koçî na cehd, ked û fedekarîya muhatabî ke seba ke proses mîyanê qanûnanê huqûqî de bi hawayêko zelal bêro ca, muhîm vînenê. Seba cewabdayîşê vengdayîşêko winasî yê tarîxî hewceyo ke zemînêk bêro awankerdene û seba demoktratîkbîyayîşî vurnayîşê huqûqî bêrê kerdene.
‘Ganî bi lez gamî bêrê eştene’
No beyanat bêguman seba sey hezaran kesanê ke prosesanê şerî de bi zordayîş ameyê koçkerdene û heme prosesanê dejî de mecbur mendê ke erdê xo terk bikerê, bîya roşnaya hêvîye. Yew zî merheleyê awankerdişê prosesê aştî û demokrasî bêguman bi nê vengdayîşî ke rêzdar Abdullah Ocalanî dest pêkerdo, rayê agêrayîşê şarê kurdî ke bi erdê xo reyde têkilîyanê xurtanî girêdaye yo, bêro akerdene. Nê hetî ra hewceyo ke bi lez gamî bêrê eştene.
Goş bidê nê vengdayîşê tarîxî bikerê
Ma sey Komela Cigêrayîş û Muşahadeyê Koçî ya Mezopotamya, nameyê platforma koçberîye de wazenê ke nê prosesê tarîxî de seba awankerdişê sîyaseto demokratîk û aştî sey hewcedarîya ardişê ca yê heqê merdiman gamê têkildarê prosesî bêrê eştene. Hewcedarîyê sîyasetê demokratîk û huquqî bêrê ca. Seba awankerdişê aştî û ameyoxêko hempar reyna seba demoktatîkbîyayîşê tirkîya û astengkerdişê prosesê aştî. Ma veng danê ke heme raya pêroyî û rayberî goşdarîya nê vengî bikerê.”
