Komîsyonê Huquqê Şaristan û Dorûverî derheqê zerardayîşê ekolojîyî viraştişê Tesîsê Depokerdişê Elektrîkî ser o tesbîtî kerdbî labelê Wezaretê Bedilnayîşê Îklîmî, Şaristanî û Dorûverî seba na proje raporo pozîtîf da, no ser zî Baroyê Amedî dewa akerde.
Taxa Eskîagacî ya qezaya Amedî Pasûrî de hetê VBZ ÎNŞ. VE TÎC. LTD. ŞTÎ’yî Tesîsê Depokerdişê Elektrîkî (17MWh- 25,01 ha) do bêro viraştiş. Komîsyonê Huquqê Şaristan û Dorûverî ke girêdayeyê Baroyê Amedî yo derheqê zerardayîşê nê tesîsî ser o tesbîtî kerdbî labelê verba nê tesbîtan de Wezaretê Bedilnayîşê Îklîmî, Şaristanî û Dorûverî raporê “Erjnayîşê Tesîrê Dorûverî” da.
Verba raporê Wezaretê Bedilnayîşê Îklîmî, Şaristanî û Dorûverî de Komîsyonê Huquqê Şaristan û Dorûverî, Komeleya Ekolojî û welatijan pîya Mehkemaya Herême rê dewaya betalî akerd.
