Bi hezaran welatijî Qada Gundogdu ya Îzmîrî de kom bîyê û derûdorê adirê Newroze de dest bi govende kerd. Des hezar welatijê ke beşdarê Newroze bîyê sloganî “Bijî Serok Apo” berz kenê.
Rêxistin û sazîyê demokratîk û partîyê sîyasî ke DBP, DEM Partî û TJA’yî ra ameyêne pê, bi sloganî “Raybero Azad Komelo Demokratîk” Qada Gundogdu ya Îzmîrî de Newroze pîroz kerd. Des hezar welatijî qade de kom bîyê û derûdorê adirê Newroze de govende girewte. Pîrozabayî bi wekerdişê adirî û rêzgirewtişî dest pêkerd. Pîrozbayî de Aktîvîsta TJA’yî Eylem Sarica qisey kerd û bale ant azadîya fîzîkî ya Rayberê Şarê Kurdî Abdullah Ocalanî ser o.
Hemverfeka HDK’yî Meral Daniş Beştaş zî qisey kerd û operasyonê Stenbolî şermezar kerd. Qiseykerdişan ra pey Dayîkê Aştî kewtê mîyanê girseyî û pîya derûdorê adirê Newroze de govende girewte. Pîrozbayî de rêzgirewtişî ra pey slogananê “Bijî Serok Apo” û “Jin Jîyan Azadî”qade de gulbang da.
