Dozgero ke dewaya rojnamgeran ra ewnîyeno, ewil şertê kontrolê edlî dima qerarê xo bedilna û rojnamegerî bi waştişê girewtişî sewqê edlîye kerdê.
Îfadegirewtişê rojnamegerê ke demê çalakîyanê vera cipersayîşê derheqê Şaredarîya Stenbolî ya Şaristanî Girdî de taqîb kerdêne û bi îdiaya “Vera qanûnan muxalefetê kombîyayîş û musnayîşî” ameybî destbendkerdene, karê înan emnîyetî de qedîya. Rojnamegerî ewro sewqê Edlîyeya Stenbolî ya Çaglayanî bîyê.
Dozger rojnamegerî Zeynep Kuray, Alî Onûr Tosun û Bulent Kiliç, Yasîn Akgul, Kurtuluş Ari, Gokhan Kam û Hayrî Tunç bi şertê kontrolê edlî veradayê. La demêko kilmî ra pey dozgerî qerarê xo bedilna û bi waştişê girewtişê heme rojnamegeran ê sewqê Dadgerîya Cezayî ya Sulhî kerdê.
